سیالکوٹ/اسلام آباد ۔ 12 اگست (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو پاکستان جگ اچ بھارت دا مکروہ چہرہ بے نقاب کریندا رہسی،عالمی سطح تے مسئلہ کشمیر کوں اگونہا کرنڑ کیتے بے یارومدگار کشمیریاں دا ہتھ ونڈیندے راہسوں۔میڈیا نال گالھ مہاڑ اچ انہاںا ٓکھیے جو پاکستان اقوام متحدہ دی قرارداداں دے مطابق دیرینہ حل طلب مسئلہ کشمیر سانگے کوششاں جاری رکھیسی، عالمی ادارے مقبوضہ کشمیر اچ انسانی حقوق دی سنگین خلاف ورزیاں دا نوٹس گھنن اتے پاکستان دے موقف دی حمایت کرن۔انہاں نینگراں کوں آکھیا جو او سوشل میڈیا تے بھارتی مظالم، کشمیریاں تے مظالم اتے انہاں دی داد رسی کیتے آواز چاون ۔انہاں آکھیے جو بھارت مقبوضہ کشمیر اچ کرفیو لاتے موصلات، ٹیلی فون، انٹرنیٹ اتے ٹریفک نظام معطل کیتا ہوئے، میڈیا تے وی پابندیاں ہین بھل بھارتی وزیراعظم نریندر مودی دی طاقت دے استعمال دی ذہنیت اتے مظالم کشمیریاں کوں انہاں دے حق خود ارادیت توں محروم نئیں کر سگدے۔
