اسلام آباد ۔ 3 اگست (اے پی پی) پاکستان جنگ بندی لائن تے بھارتی قابض فورسز ولوں کلسٹر بم مارنڑ اتے بے گناہ شہریاں کوں نشانہ بنڑاونڑدی سخت مذمت کیتی اے۔ہک ٹویٹ اچ وزیر خارجہ شاہ محمود قریشی ایں اقدام دی مزمت کیتی اتے آکھیا جو اے جنیو کنونشن اتے بین الاقوامی قوانین دی سنگین خلاف ورزی اے،بھارت اپنڑے جنگی جنون اچ نہ صرف علاقائی امن کوں تباہ کریندا پئے بھل جنگ بندی لائن تے انسانی حقوق دیاں سنگین خلاف ورزیاں وی کریندا پئے۔وزیر خارجہ عالمی برادری کوںا ٓکھیے جو او مقبوضہ کشمیر اتے ایل او سی تے جاری صورتحال دا نوٹس گھنے۔
