اسلام آباد ۔ 15 اگست (اے پی پی) اقوام متحدہ پاکستان دی درخواست تے بھارت ولوں کشمیر دی خصوصی حیثیت ختم کرنڑ دے غیر قانونی اقدام تے گالھ مہاڑ اتے حکمت عملی کیتے(اج) جمعہ کوںپرسلامتی کو نسل دا خصوصی اجلاس سڈیے۔اے اقوم متحدہ دی تریخ اچ 50 سال بعد مقبوضہ کشمیربارے سلامتی کونسل دا اجلاس سڈیا گئے۔اقوام متحدہ دی سلامتی کونسل دی صدر جمعہ کوں اجلاس سڈنڑ دی تصدیق کریندے آکھیے جو خمیس کوں سلامتی کونسل کم نہ کریسی اتے اجلاس جمعہ کوں تھیسی۔چین اتے روس وی کشمیر دے معاملے تے پاکستان ولوں سلامتی کونسل کوں لکھیے گئے خط دی حمایت دی یقین دہانی کرائی اے جڈاں جوفرانس وی ایں معاملے تے سلامتی کونسل کوں غور دی تجویز ڈتی اے۔اجلاس اچ پاکستان کشمیر دی خصوصی حیثیت ختم کرنڑ دے غیر قانونی بھارتی اقدام تے الویسی اتے اقوام عالم کوں وادی اچ انسانی حقوق دی سنگین خلاف ورزیاں بارے ڈسیسی۔ ڈوجھے پاسو کشمیری رہنماواں سلامتی کونسل دا اجلاس سڈنڑ تے اقوام متحدہ دے فیصلے کوں ست بسم اللہ آکھیے۔
