لاہور۔19 اگست(اے پی پی )وفاق دے بعد پلاسٹک بیگزہنڑ پنجاب اچ وی بند کیتے ویندے پن۔ماحولیاتی آلودگی اتے بیماریاں دی وجہ بنڑن آلے شاپر اں تے پابندی لاونڑ سانگے کم مکمل کرگھدا گئے، پنجاب حکومت پولیتھن بیگز تے پابندی لاونڑ سانگے سمری منظور کرگھدی ہے۔ آندے کجھ ڈینھاں اچ قنون سازی وی کرگھدی ویسی۔ پولیتھین بیگز ماحولیاتی آلودگی اتے مختلف بیماریاں دی وجی بنڑدے پئے۔صوبائی کابینہ دے اگلے اجلاس اچ ایں فیصلے دی منظوری دے بعد عملدرآمد تھیسی۔ذرائع ڈسائے جو شاپنگ بیگز روکنڑسانگے ہک ایکٹ وی تیار کرتے محکمہ قنون کوں بھجوا ڈتا گئے ۔
