اسلام آباد ۔ 15 اگست (اے پی پی) وزیر اعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو پنج ڈھاکیاں بعد سلامتی کونسل دا تنازعہ کشمیر تے اجلاس سڈاونڑ ساڈی سفارتی فتح اتے مودی دے ایں موقف دی شکست اے جوکشمیر اوندا اپنڑا اندرونی معاملہ اے، ہنڑ سمجھ گئے جو کشمیر ہک وڈا تنازع اتے فوری حل طلب معاملہ اے۔اپنڑے ٹویٹ اچ ڈاکٹر فردوس عاشق اعوان آکھیا جو وزیر اعظم عمران خان دی اگوانڑی اچ پاکستان ہر فورم تے مظلوم کشمیریاں دی وکالت کریسی تاں جو بھارت کوں مجبور کیتا ونجے جو او تنازعہ کشمیر کوں اقوام متحدہ دی قرارداداں اتے کشمیری عوام دی خواہش دے مطابق حل کیتا ونج سگے،ہٹلر جیویں ظلم و ستم نال ہک پوری نسل مکا ڈتی ہئی ایویں ہی مودی وی کشمیریاں دی نسل کشی تے تلیا ہوئے بھل پاکستان اوکوں کھل نہ کھیڈنڑ ڈیسی۔
