کرتارپور سکھ برادری کیتے مقدس مقام ہے، اساں سکھ برادری دے مذہبی جذبات دا دل توں احترام کریندوں، پاکستان اتے ساری دنیا اچ اقلیتاں دے حقوق سانگے وزیراعظم عمران خان پر عزم ہن، ڈاکٹر فردوس عاشق اعوان

اسلام آباد ۔25 اگست (اے پی پی) اطلاعات و نشریات سانگے وزیراعظم دی معاون خصوصی ڈاکٹر فردوس عاشق اعوان آکھیے جو کرتارپور سکھ برادری کیتے مقدس مقام ہے، اساں سکھ برادری دے مذہبی جذبات دا دل توں احترام کریندوں، پاکستان اتے ساری دنیا اچ اقلیتاں دے حقوق سانگے وزیراعظم عمران خان پر عزم ہن۔اتوار کو ں اپنڑے ہک ٹویٹ اچ معاون خصوصی آکھیا جو پاکستان ساری دنیا اتے بھارت توں آونڑ آلے سکھ یاتریاں سانگے کرتار پور راہداری منصوبہ مکمل کرنڑ سانگے پر عزم ہے تاں جواوہ اپنڑیاں مذہبی رسومات پوری آزادی اتے سہولت نال ادا کر سگسن۔ ڈاکٹر فردوس عاشق اعوان آکھیا جو کرتارپور راہداری بین المذاہب ہم آہنگی دی دنیا اچ سبھ توں چنگی مثال ہے ۔انہاں آکھیا جو انتہا پسندی اتے عدم برداشت دے ودھدے ہوئے رجحاناں اتے واقعات اچ کرتار پور دنیا کو ں انسانیت ،اختلاف رائے دے احترام اتے برداشت دا پیغام ڈیندا پئے۔انہاں آکھیا جو اساکوں یقین ہے جو کرتارپور راہداری داایہ منصوبہ مختلف عقیداں اتے تہذیباں وچال ہم آہنگی دے ودھارے دی وجہ بنڑسی۔ انہاں آکھیا جو اساکوں پاکستان دے پرچم اچ چٹارنگ اتنا ہی عزیز ہے جتنا ساوارنگ۔انہاں آکھیا جو پاکستان اتے ساری دنیا اچ اقلیتاں دے حقوق سانگے وزیراعظم عمران خان پر عزم ہن۔