کشمیر توں متعلق ہندوستانی اقدامات نال خطے دے امن کوں شدید خطرات ہن، پاکستان ہمیشہ مذاکرات دی حمایت کیتی ہے ،مگر بدقسمتی نال اساڈی مذاکرات دی دعوت کوں سنجیدگی نال نی گھدا گیا، ڈو ایٹمی طاقتاں کوں جنگ توں بچنڑ چاہیدے، ایہ سانجھی خودکشی دے مترادف ہو سی، دنیا کوں مقبوضہ جموں و کشمیر اچ انسانی زندگیاں کوں بچاونڑ سانگے وختی اقدامات کرنڑ پوسن، جینو سائیڈ واچ وی ایں سلسلے اچ تفصیل الرٹ جاری کیتے وزیر خارجہ شاہ محمود قریشی داوزارت خارجہ اچ ڈپلومیٹک کور نال خطاب

اسلام آباد ۔ 23 اگست (اے پی پی) وزیر خارجہ شاہ محمود قریشی جمعہ کوں وزارت خارجہ اچ تھیونڑ آلے ڈپلومیٹک کوں اچ سفیراں کوں مخاطب کریندے ہوئیں آکھیا جو اساں 8 اگست کوں اتھاں ملے ہاسے اتے میں تساکوں ہندوستان ولوں کیتے گئے 5 اگست دے بھارتی یکطرفہ اقدامات بارے ڈسایا ہا۔شاہ محمود قریشی آکھیا جوپاکستان اتے کشمیریاں مکمل طور تے بھارتی یکطرفہ اقدامات کو ںمسترد کر ڈتا ہا۔انہاں آکھیا جوکشمیر توں متعلق ہندوستانی اقدامات نال خطے دے امن کوں شدید خطرات ہن۔انہاں آکھیا جو پاکستان ہمیشہ مذاکرات دی حمایت کیتی ہے ،مگر بدقسمتی نال اساڈی مذاکرات دی دعوت کوں سنجیدگی نال نی گھدا گیا۔شاہ محمود قریشی آکھیا جوڈو ایٹمی طاقتاں کوں جنگ توں بچنڑ چاہیدے، ایہ سانجھی خودکشی دے مترادف ہو سی۔انہاں آکھیا جودنیا کوں مقبوضہ جموں و کشمیر اچ انسانی زندگیاں کوں بچاونڑ سانگے وختی اقدامات کرنڑ پوسن۔شاہ محمود قریشی آکھیا جو جینو سائیڈ واچ وی ایں سلسلے اچ تفصیل الرٹ جاری کیتے۔