اسلام آباد ۔ 23 اگست (اے پی پی) چیئرمین سینیٹ محمد صادق سنجرانی آکھیے جو کشمیر تے پاکستان اتے چین دا ہکو موقف ہے، بھارت کوں خطے دا تھانڑیدار کائناں بنڑن ڈیسوں ۔انہاں آکھیا جوپوری دنیا مقبوضہ کشمیر اچ بھارتی جارحیت اتے ایندی حیثیت بدلنڑ دی مذمت کر یندی پی ہے۔صادق سنجرانی آکھیا جو سی پیک خطے دے شاندار مستقبل اتے پاک۔چین یاری دا منہ بولدا ثبوت ہے۔ایہ گالھ انہاں پارلیمنٹ ہاﺅس اچ چینی سفیر یاﺅ جنگ نال ملاقات اچ آکھی۔ ملاقات اچ کشمیر سمیت خطے دی موجودہ صورتحال اتے ڈوطرفہ امور تے تفصیل نال گالھ مہاڑ کیتی گی۔ چیئرمین سینیٹ آکھیا جو پاکستان اتے چین تریخ دی ہر آزمائش اک بئے دی مدد کیتی ہے،ڈوہائیں ملکاں ہمیشہ ہک بئے دے موقف دی تائید کیتی ہے، ڈوہائیںملکاں وچال ترقیاتی اتے اقتصادی سانجھداری ایشیاءکوں دنیا اچ منفرد مقام ڈیسی۔ایں موقع تے چینی سفیر آکھیا جو چین خطہ اچ ہر قسم دی جارحیت اتے مقبوضہ کشمیر اچ بھارتی مظالم دی بھرپور مذمت کریندے، کشمیریاں دے حقوق دے تحفظ اتے انسانی حقوق دی خلاف وزیاں رکوانڑ سانگے عالمی براداری کوں کردار ادا کرنڑ چاہیدے۔انہاں آکھیا جو پاکستان اتے چین مقبوضہ کشمیر بارے اپنڑے اصولی موقف تے قائم ہن ۔
