اسلام آباد ۔ 5 اگست (اے پی پی) اقوام متحدہ دے بین الاداراتی گروپ اپنڑیں ہک رپورٹ اچ زچگی دوران تریمتیں دیے مرنڑ دی شرح اچ گھٹکی دی تصدیق کریندے ہوئیں آکھیے جو گزریل 15 سال اچ انہاں دی اموات اچ 72 فیصد گھٹکی تھی ہے۔ سرکاری اعدادو شمار مطابق 2015ءاچ زچگی دوران تریمتیں دی اموات دی شرح 178 فیصد ہائی جیرھی جو 2000ءاچ 306 فیصدریکارڈ کیتی گی۔ا یہ اعداد وشمار گزریل 15 سالاں اچ 72 فیصد گھٹکی کوں ظاہر کریندن ،جنہاں دا ذکر اقوام متحدہ دے بین الاداراتی گروپ وی کیتا۔ ایں سانگے تریمتیں دی زچگی دوران اموات دا تازہ سروے وی کیتا ویندا پئے ،جیندی رپورٹ وختی آونڑ دی امید ہے۔ ذرائع مطابق 1990-91ءتوں2017-18ءدوران بالاں دی اموات دی تعداد اچ وی 28 فیصد گھٹکی تھی ہے۔ 1991ءاچ ہر ہک ہزار نویں جمنڑ آلے بالاں وچو ں86 فوت تھی ویندے ہن۔ 2017-18ءاچ ہر ہک ہزار نویں جمنڑ آلے بالاں وچوں اموار دی شرح 62 ریکارڈ کیتی گی ہے۔ ذرائع ڈسائے جو بالاں دی اموات اچ گھٹکی گھن آونڑ سانگے اقدامات کیتے ویندے پن۔
