امید اے جو امریکا طالبان مذاکرات ولا شروع تھیسن،مذاکرات نہ ٹریے تاں افغانستان اچ تشدد،کشیدگی اتے بے چینی ودھسی، پاکستانی مستقل مندوب ڈاکٹر ملیحہ لودھی دا افغانستان دی صورتحال تے سلامتی کونسل اجلاس نال خطاب

اقوام متحدہ ۔ 12 ستمبر (اے پی پی) اقوام متحدہ اچ پاکستان دی مستقل مندوب ڈاکٹر ملیحہ لودھی امریکا اتے طالبان وچال ولا مذاکرات دی بھالی دی امید کریندے آکھیے جیکر مذاکرات نہ ٹریے تاں ایندے نال انٹرا افغان ڈائیلاک متاثر تھیونڑ دے نال نال افغانستان اچ تشدد،کشیدگی اتے بے چینی ودھسی۔افغانستان دی صورتحال بارے سلامتی کونسل دے اجلاس نال خطاب اچ ڈاکٹر ملیحہ لودھی آکھیے جو امن مذاکرات اچ تعطل عارضی اے،افغان تنازعے دا کوئی فوجی حل کائنی اتے پاکستان ہمیشہ عدم تشدد اتے امن دی حمایت کیتی اے،مذاکرات نال امن دی راہ نکلنڑ دا رستہ ڈسیا ہا جیندے اچ تعطل نئیںا ٓونڑا چاہیدا،فریقین اختلافات مکا تے ولا مذاکرات دی میز تے آون تاں جو خطے اچ جاری چار ڈھاکیاں توں بھڑاند مکے۔انہاں آکھیے جو وزیراعظم عمران خان اتے افغان صدر اشرف غنی دی ملاقات توں بعد ڈو طرفہ تعلقات تکڑے تھین، طورخم سرحدی چوکی اتے فضائی حدود کھلنڑامن دی نویں امید اے جڈاں جو پاکستان افغانستان کوں تعلیم ،صحت ،تعمیر نو اتے انفرا سٹرکچر دی ترقی کیتے وڈی امداد ڈتی اے، افغان مہاجرین جھلین اتے انہاں کوں حفاظت نال ولا وطن وی بھجیسوں۔