کراچی ۔ 2 ستمبر (اے پی پی) صدر مملکت ڈاکٹر عارف علوی آکھیے جو بھارت ولوں مقبوضہ کشمیر اچ حالیہ غیر قنونی اقدامات دا اثر جنوبی ایشیاءدی مجموعی سلامتی صورتحال تے پوسی، پاکستان مسئلہ کشمیر دے حل تئیں بھارتی مظالم کو ں ہر سطح تے اجاگر کریسی، ملک دا دفاع مضبوط ہتھاں اچ ہے، پاکستان دی معاشی ترقی سمندر توں بلا تعطل تجارت تے منحصر ہے ،جیندے کیتے پاک بحریہ دا کردار وڈی اہمیت رکھیندے ۔ ایہ گالھ صدر مملکت سنوار کوں کراچی اچ بحری مشق ’شمشیر البحر VII‘ اتے ’ترسیل بحر II‘ دی افتتاحی تقریب توں خطاب کریندے ہوئیں آکھی۔ پاک بحریہ دے ترجمان مطابق صدر مملکت جیرھے جو ایں موقع تے مہمان خصوصی ہن، کوں پاک بحریہ دی جنگی اتے آپریشنل تیاریاں بارت بریفنگ ڈتی گی۔ پاک بحریہ دی مشق شمشیر البحر ہر ڈو سال بعد تھیندی ہے۔ ایں موقع تے خطاب کریندے ہوئیں صدر مملکت آکھیا جو بھارت، سی پیک اتے گوادر بندرگاہ دے منصوبین کوں وی نقصان پجاونڑ چاہندے،تاں جو پاکستان دا دفاع مضبوط ہتھاں اچ ہے اتے ایں سانگے انہاں کوں افواج پاکستان تے فخر ہے۔انہاں آکھیا جوپاکستان دی معاشی ترقی سمندر توں بلا تعطل تجارت تے منحصر ہے ،جیندے کیتے پاک بحریہ دا کردار وڈی اہمیت رکھیندے۔ ترجمان پاک بحریہ مطابق بحری مشق شمشیر البحر اچ تریوے فوجاں اتے متعلقہ وزارتاں دے نمائندے وی شریک تھیسن۔ مشق دا مقصد ایجھے تصورات بارے عملی طور تے جانڑن ہے جنہاں کوں بعد اچ بحری حکمت عملی دا حصہ بنڑایا ونج جا سگے۔