اسلام آباد ۔ 18 ستمبر (اے پی پی) اطلاعات تے نشریات سانگے وزیراعظم دی معاون خصوصی ڈاکٹر فردوس عاشق اعوان آکھیے جوحکومت دے وختی اتے چنگے اقدامات نال دنیا دے ہراہم فورم تے مسئلہ کشمیر کوں پذیرائی ملی ہے۔انہاں آکھیے جومیڈیا مقبوضہ کشمیر دی صورتحال کوں چنگے انداز نال اجاگر کر یندا پئے، اقوام متحدہ اچ وزیراعظم عمران خان دی تقریر قوم دے جذبیاں دی ترجمانی کریسی۔ ایں گالھیں انہاں بدھ کوں کشمیر اتے قومی پارلیمانی کانفرنس توں خطاب کریندے ہوئیں آکھیاں۔ ڈاکٹر فردوس عاشق اعوان آکھیا جو او آئی سی اتے سیکورٹی کونسل سمیت دنیا دے اہم فورمز تے مسئلہ کشمیر کوں چنگے طریقے نال اجاگر کیتا گئے ۔ انہاں آکھیا جو کشمیر دے بغیر پاکستان ادھورا ہے، مسئلہ کشمیر پاکستانیاں کیتے کامن کاز بنڑ گئے ، ہر پاکستانی مسئلہ کشمیر دے حل سانگے ہر قربانی ڈیونڑ کوں تیار ہے۔ انہاں آکھیا جو پاکستان دیاں ساریاں حکومتاں دا کشمیر دے حوالے نال ہکو منشور ہا اتے پاکستان اپنڑے اصولی موقف تے قائم ہے۔ انہاں آکھیا جو اقوام متحدہ اچ وزیراعظم عمران خان دی تقریر قوم دے جذبیاں دی ترجمانی کریسی۔ وزیراعظم ہر فورم تے پاکستان دی پارلیمنٹ دے موقف کوں چنگے انداز اچ اجاگر کریسن۔ انہاں آکھیا جو وختی بھارتی ظلم و بربریت شکت توں فاش تھیسی، ایندے کیتے اساں ساریاں کوں اپنڑاں کردار ادا کرنڑ پوسی۔ انہاں آکھیا وزیراعظم پاکستان دے ترجمان اتے کشمیریاں دی آواز بنڑسن، قومی مفاد تے اساں سارے ہکی پیج تے ہسے ۔ انہاں آکھیا جو پاکستان خطے دی طاقت دا محور تے مرکز ہے۔ مقبوضہ کشمیر اچ ظلم چھیکڑی ساہ گھندا پئے، اتھاں وختی آزادی دا سورج نکلسی