اسلام آباد ۔ 11 ستمبر (اے پی پی) وفاقی حکومت دے چنگے انتظامی اقدامات اتے بجلی نظام اچ چنگائی نال 80 فیصد فیڈرزتوں لوڈ مینجمنٹ مک گئی اے جڈاں جو بجلی چوری اتے بیاں وجوہات پاروں 20 فیصد فیڈرزتے اوں تناسب نال لوڈ مینجمنٹ کیتی ویندی اے۔ ترجمان پاور ڈویژن دے مطابق چوری اتے نادہندگی پاروں نقصان ڈیونڑ آلے فیڈراں تے نقصان گھنٹاونڑ کیتے لوڈمنیجمنٹ کیتی ویندی اے، ایں ویلھے ملک اچ کل 8810فیڈرز اچ 80 فیصد فیڈرز تے کوئی لوڈمنیجمنٹ کائنی اتے صرف 1762فیڈرزجیہڑے تقریباً 20فیصد ہین تے مختلف اوقات اچ لوڈ منیجمنٹ کیتی ویندی اے۔ایں سال رمضان اچ ملک دے سارے فیڈرزتے لوڈمنیجمنٹ نئیں کیتی گئی اتے وولٹیج دا مسلہ وی حل کیتا گئے تہوں لوکاں کئی سال بعد لوڈمنیجمنٹ اتے بجلی مسائل توں پاک رمضان گزاریے۔