اسلام آباد ۔ 13 ستمبر (اے پی پی) اجوکے مالی سال 2019-20ءدے پہلے ڈو مہینے جولائی اتے اگست اچ ملک دے تجارتی خسارہ اچ 38 فیصدکمی تھئی اے، جولائی و اگست 2019ءاچ تجارتی خسارہ 3.973 ارب ڈالرتئیں گھٹ گئے جڈاں جو جولائی و اگست 2018ءاچ تجارتی خسارے دا حجم 6.37 ارب ڈالر ریہا ہا۔گذریل مالی سال دے مقابلہ اچ جاری مالی سال دے ابتدائی 2 مہینے تجارتی خسارہ اچ 2.397 ارب ڈالر یعنی 37.62 فیصد دی کمی ریکارڈ کیتی گئی اے۔ سٹیٹ بینک آف پاکستان ( ایس بی پی) اتے ادارہ شماریات پاکستان ( پی بی ایس) دے غیر حتمی اعداد وشمار دے مطابق اگست 2019ءاچ تجارتی خسارہ اچ 42.25 فیصد دی کمی نال تجارتی خسارے دا حجم 1.848 ارب ڈالرتئین گھت تھی گئے جڈاں جو اگست 2018ءاچ پاکستان کوں 3.20 ارب ڈالر دے تجارتی خسارے دا سامنا ریہا ہا۔پی ٹی آئی حکومت جون 2020ءتئیں تجارتی خسارہ 27.47 ارب ڈالرتئیں گھت کرنڑ دا ہدف رکھیے۔
