جدہ ۔ 4 ستمبر (اے پی پی) اسلامی تعاون تنظیم دے انسانی حقوق کمیشن بھارت ولوں مقبوضہ کشمیر اچ کرفیو دے مسلسل نفاذ اتے مواصلاتی ذرائع دی معطلی دی شدید مذمت کیتی اے ۔ کشمیرمیڈیا سروس دے مطابق جدہ اچ او آئی سی دے دفتر توں جاری کیتی گئی پریس ریلیز اچ آکھیا گے جو کمیشن بھارت تے زور ڈتے جو او مقبوضہ علاقے اچ وختی کرفیو تے مواصلاحتی ذرائع تے پابندیاں ہٹاوے تے بنیادی حقوق اتے شہری آزادیاں بحال کرے ۔ کمیشن آکھیے جوسخت ترین پابندیاں دے باوجود میڈیا دے باوثوق ذرائع ایں گال دی تصدیق کریندے پن جو پنج ہزار توں ودھ کشمریاں کوں جیں اچ ودھ سارے نینگر ہن غیر قانونی طور تے گرفتار تے ساری سیاسی قیادت کوں نظر بند کرڈتا گے جڈاں جو صحافیاں تے انسانی حقوق دے کارکناں کوں کوڑے مقدمیں اچ پھسایا ویندا پئے ۔کمیشن بھارتی حکومت توں مطالبہ کیتے جو او مقبوضہ کشمیر اچ انسانی حقوق دی پامالیاں دی آزادانہ تحقیقات کیتے اقوام متحدہ اتے او آئی سی دی تحقیقاتی ٹیماں کوں وادی کشمیر دا دورہ کرنڑ دی اجازت ڈیوے۔ایندے علاوہ وادی کشمیر تے جمو ں خطے دے پنج ضلعیں اچ بدھ کوں مسلسل 31 ویں ڈینھ وی کرفیو اتے بیاں پابندیاں دا نفاذ برقرار اے جیں دی وجہ توں معمولات زندگی مفلوج اے۔ برطانیہ آکھیے جو بھارت ولوں مقبوضہ کشمیر دی خصوصی حیثیت ختم کرنڑ دے بعد علاقے اچ انسانی حقوق دی ہر قسم دیاں پامالیوں دی آزادانہ اتے شفاف تحقیقات تھیونڑیں چاہیدی اے ۔ برطانوی وزیر خارجہ Dominic Raab دارالعوام اچ ارکان پارلیمنٹ کوں ڈسایا جو انہاں 7 اگست کوں بھارتی وزیر خارجہ ایس جے شنکر دے نال ٹیلی فون تے گال مہاڑ کریندے ہوئیں اپنڑی تشویش دا اظہار کیتے انہاں جو برطانیہ مقبوضہ کشمیر دی صورتحال تے گہری نظررکھی ہوئی اے ۔
