جینوا ۔ 25 ستمبر (اے پی پی) اقوام متحدہ دے سیکرٹری جنرل انتونیو گوترس آکھیے جو 77ملکاں گرین ہاﺅس گیساں دے اخراج اچ کمی تے 2050ءتئیں اینکوں صفر تے گھن آونڑ دے اقدامات تے اتفاق کیتے جڈاں جو آلودگی کھنڈاونڑ دے ذمے وار ملکاں امریکہ، چین، جاپان اتے بھارت ایندے توں ولا انکار کرڈتے ۔ جنیوا اچ اقوام متحدہ دی کلائمیٹ ایکشن سمٹ دے چھیکڑی سیشن نال اپنڑے خطاب اچ سیکرٹری جنرل عالمی حدت اچ کمی کیتے خصوصی اقدامات د اعلان کیتے ۔انہاں اقدامات اچ قابل تجدید توانائی دا ودھ استعمال اتے ترقی پذیر ملکاں کیتے مالی امداد شامل اے ۔ 60 توں ودھ ملکاں دے سربراہیں تے وزیراں تے اجلاس اچ شرکت کیتی ،سیکرٹری جنرل آکھیا جو فرانس اتے جرمنی سمیت 77 ملکاں کاربن اچ دلچسپی ختم کرنڑ یا 2050ءتئیں کاربن دے اخراج کوں صفر کرنڑ دا عہد وی کیتے تاں جو گرین ہاﺅس گیساں دے وڈے اخراج کنندہ بشمول امریکہ، چین اتے بھارت کاربن دا اخراج گھٹ کرنڑ دا وعدہ کائنی کیتا جڈاں جو جاپان سمیت کجھ ملکاں اجلاس دے موقع تے اپنڑے خصوصی اقدامات دا اعلان کائنی کیتا ۔انہاں آکھیے جودنیا آب و ہوا دے مسلیں دے خلاف جنگ ہردی پئی ہئی لیکن ہنڑ اے تکھے جاگدی تھیندی پئی اے ۔
