کراچی ۔ 19 ستمبر (اے پی پی) صدر مملکت ڈاکٹر عارف علوی آکھیے جو انفارمیشن ٹیکنالوجی دے موجودہ دور اچ تحقیق تے تجربات نال ہی علم دے میدان اچ اگی تے ودھیا ونج جا سگدے،انفارمیشن ٹیکنالوجی دے شعبے اچ سرمایہ کاری ویلھے دی اہم ضرورت ہے، نینگر نسل کوں جدید دوردے تقاضیاں نال ہم آہنگ کرنڑ پوسی ۔ایہ گالھ صدر مملکت ڈاکٹر عارف علوی خمیس کوں کراچی اچ 19 ویں آئی ٹی سی این کانفرنس توں خطاب کریندے ہوئیں آکھی ۔ صدر مملکت آکھیا جو اج دا دور انفارمیشن ٹیکنالوجی دا دور ہے، انفارمیشن ٹیکنالوجی دے شعبے اچ سرمایہ کاری ویلھے دی اہم ضرورت ہے۔ انہاں آکھیا جو تحقیق تے تجربات نال ہی علم دے میدان اچ ترقی دیاں منزلاں طے کیتیاں ونج جا سگدن ۔انہاں آکھیا جو نینگر نسل کوں موجودہ دور دے جدید تقاضیاں نال ہم آہنگ کرنڑبہوں ضروری ہے ،تاں جوا وہ اقوام عالم دے مونڈھے نال مونڈھا لا تے کھڑے سگن اتے ملک تے قوم دی ترقی اچ اپنڑاں کردارچنگے طریقے نال ادا کر سگسن۔
