ایم ایل ون تے ترجیحی بنیاداں تے کم کیتا ویسی، 8.2 ارب ڈالردا وڈا منصوبہ سی پیک دے تحت مکمل تھیسی ، وفاقی وزیر منصوبہ بندی، ترقی واصلاحات مخدوم خسرو بختیار

اسلام آباد ۔ 19 ستمبر (اے پی پی) وفاقی وزیر منصوبہ بندی، ترقی واصلاحات مخدوم خسرو بختیار آکھیے جو ایم ایل ون 8.2 ارب ڈالردا وڈا منصوبہ اے جیہڑا سی پیک دے تحت مکمل کیتا ویسی۔قومی خبر رساں ادارے ”اے پی پی“نال گالھ مہاڑ اچ انہاں آکھیے جو ایم ایل ون دا فریم ورک اگریمنٹ 2014ءاچ تھیا ہا جیندے اخراجات دا ابتدائی تخمینہ 8.2 بلین ڈالر اے،ایم ایل ون تے چینی حکومتی نمائندیاں نال گالھ مہار چلدی پئی اے ، پاکستان اچ اتنی وڈی لاگت دا منصوبہ پہلی وار طے کیتا گئے جیندے اچ ساکوں اپنڑنے ریلوے نظام دی استعداد کار ڈیکھنڑی اے، منصوبے دے پی سی ون دی منظوری توں پہلے ایندی عالمی سطح دے کنسلٹنٹ توں پڑتال کراونڑی اے تاں جو چین ایندی تیکھے فنانسنگ شروع کرے۔