اسلام آباد ۔ 30 ستمبر (اے پی پی)ڈائریکٹر جنرل (جنوبی ایشیا تے سارک) ڈاکٹر محمد فیصل بھارتی ڈپٹی ہائی کمشنر گوراو اہلووالیا کوں سنوار کوں دفتر خارجہ اچ سڈ تے 28 اتے 29 اگست 2019ءکوں لائن آف کنٹرول (ایل او سی) تے جنگ بندی دی بلااشتعال خلاف ورزیاں دی مذمت کیتی۔ دفتر خارجہ توں جاری ہک بیان مطابق ایل او سی دے نکیال اتے رکھ چکری سیکٹرز اچ بھارتی فوج دی بلااشتعال فائرنگ دے نتیجے اچ 60 سال دی بڈھڑی مائی سلامت بی بی اتے 13 سال دا ذیشان ایوب شہید تھئے جڈاں جو نکیال سیکٹر اچ ہک تریمت سمیت ترائے شہری اتے رکھ چکری سیکٹر اچ تریمت شدید زخمی تھئی۔ قابض بھارتی فوج ایل او سی اتے ورکنگ باﺅنڈری دی مسلسل خلاف ورزیاں کریندے ہوئیں آرٹلری، بھاری اتے خودکار ہتھیاراں دے ذریعے عام شہری آبادیاں کوں نشانہ بنڑیندا پئے۔ترجمان دفتر خارجہ آکھیا جو 2017ءاچ بھارت 1,970 واری جنگ بندی دی خلاف ورزیاں کیتیاں،بھارت ولوںجانڑ بوجھ تے شہری آبادیاں کوں نشانہ بناونڑ افسوس دی گالھ ہے۔انہاں آکھیاجو بھارتی اقدام انسانی عظمت تے وقار، عالمی انسانی حقوق اتے بین الاقوامی انسانی قوانین دے خلاف ورزی ہے۔انہاں آکھیا جو بھارت ولوں جنگ بندی دی انہاں خلاف ورزیاں نال علاقائی امن و سلامتی کوں سنگین خطرات لاحق ہن۔ جیندا نتیجہ سٹرٹیجک غلطی دی صورت اچ نکل سگدے۔ ڈائریکٹر جنرل (جنوبی ایشیاءو سارک) بھارت تے زورڈتا جوا وہ 2003ءدے جنگ بندی معاہدے دی پاسداری کرے، جنگ بندی دی خلاف ورزیاں دے واقعات دی تحقیقات کراوے، بھارتی فوج کوں جنگ بندی دے احترام دا حکم ڈیوے ایل او سی اتے ورکنگ باﺅنڈری تے جنگ بندی معاہدے مطابق امن برقرار رکھے۔ انہوں زورڈات جو اقوام متحدہ سلامتی کونسل دی قرارداداں مطابق بھارت اقوام متحدہ دے فوجی مبصرین (یو این ایم او جی آئی پی)کوں اپنڑاں کردارادا کرنڑ دی اجازت ڈیوے
