جاری سال پولیو کیسز دی تعداد 62 تھی گی ہے

اسلام آباد ۔ 11 ستمبر (اے پی پی) ملک اچ جاری سال مجموعی پولیو کیسز دی تعداد 62 تھی گی ہے۔ وزارت صحت دے ذرائع مطابق بدھ کوں کراچی اتے شمالی وزیرستان اچ ڈو بالاں اچ پولیو وائرس دی تصدیق تھئی۔ جاری سال ملک اچ پولیو کیسز اچ تشویشناک ودھار اتھئے اتے ہنڑ تئیں سامنڑے آونڑ آلے پولیو کیسز دی تعداد 62تھی گی ہے۔ سبھ توں ودھ پولیو کیسز خیبر پختونخوا اچ ریکارڈ کیتے گن جنہاں دی تعداد 36 ہے، 10 کیسز قبائلی علاقیاں اچ جڈاں جو پنجاب، بلوچستان اچ5، 5اتے سندھ اچ 6 کیس سامنڑے آئے ہن۔ پولیو مکاونڑ موجودہ حکومت دی پہلی ترجیح ہے۔