جمہوریت کوں کوئی خطرہ کائنی ہے ، ملک اچ جمہوریت اوں ویلھے مضبوط تھیس ،جڈاں سیاسی جماعتاں دے اندر الیکشن تھیسن، میڈیا ٹربیونل دا مسودہ جڈاں قومی اسمبلی اچ پیش تھیسی تاں صحافیاں دے نمائنداں کوں قائمہ کمیٹی قنون تے انصاف اچ مشورے سانگے سڈیا ویسی ، کوئی ایجھا قنون کائناں بنڑسی ،جیندے نال صحافیاں اتے میڈیا ورکرز دے مفادات مجروح تھیونڑ سپیکر قومی اسمبلی اسد قیصر دا پارلیمانی رپورٹرز ایسوسی ایشن دی حلف برداری تقریب توں خطاب

اسلام آباد ۔ 19 ستمبر (اے پی پی) سپیکر قومی اسمبلی اسد قیصر آکھیے جو جمہوریت کوں کوئی خطرہ کائنی ہے ، ملک اچ جمہوریت اوں ویلھے مضبوط تھیسی ،جڈاں سیاسی جماعتاں دے اندر الیکشن تھیسن، میڈیا ٹربیونل دا مسودہ جڈاں قومی اسمبلی اچ پیش تھیسی تاں صحافیاں دے نمائنداں کوں قائمہ کمیٹی قنون تے انصاف اچ مشورے سانگے سڈیا ویسی ، کوئی ایجھا قنون کائناں بنڑسی ،جیندے نال صحافیاں اتے میڈیا ورکرز دے مفادات مجروح تھیونڑ ۔ خمیس کوں پارلیمنٹ ہاﺅس اچ پارلیمانی رپورٹرز ایسوسی ایشن (پی آر اے) دی حلف برداری تقریب توں خطاب کریندے ہوئیں سپیکر قومی اسمبلی پی آر اے دے نومنتخب عہدیداراں کو ںمبارخباد ڈتی۔ انہاں آکھیا جوپی آر اے صحافیاں کا سبھ توں طاقتور فورم ہے کیونجو ایندا اثر و رسوخ پارلیمنٹ تے ہے، اساں انہاں دے ایں اثر و رسوخ کوں بیا مضبوط کریسوں، جڈاں وی ٹربیونل بنڑسی پی آر اے دے نمائنداں کوں متعلقہ قائمہ کمیٹی اچ مشورے سانگے سڈیسوں۔ انہاں آکھیا جو ورکر بنیاد ہن، انہاں دے مفادات دا تحفظ یقینی بنڑیسوں ۔انہاں آکھیا جوکوئی ایجھا قنون کائناں بنڑسی ،جیندی وجہ نال میڈیا ورکرز دے مفادات مجروح تھیونڑ۔