جنرل قمرجاوید باجوہ نال سعودی عرب اتے امارات دے وزرائے خارجہ دی ملاقات

راولپنڈی۔ 5 ستمبر (اے پی پی) پاک فوج دے سربراہ جنرل قمرجاوید باجوہ نال سعودی عرب اتے یو اے ای دے وزرائے خارجہ ملاقات کیتی جیں اچ سانجھے دلچسپی تے خطے اچ سیکورٹی دی صورت حال تے گال مہاڑ کیتی گئی ۔ پاک فوج دے شعبہ تعلقات عامہ (آئی ایس پی آر ) دے مطابق ملاقات دے دوران پاک فوج دے سربراہ جنرل قمر جاوید باجوہ ڈوہیں ملکاں دے نال خصوصی اسٹریٹیجک تعلقات تے فخر دا اظہار کیتے ۔ ڈوہیں وزرائے خارجہ خطے اچ امن واستحکام کیتے پاکستان دے کرداردی تعریف کیتی۔ سعودی عرب اتے یو اے ای مقبوضہ کشمیراچ بھارتی اقدامات دے خلاف تعاون دی یقین دہانی کرائی۔