اسلام آباد ۔ 18 ستمبر (اے پی پی) اطلاعات تے نشریات سانگے وزیراعظم دی معاون خصوصی ڈاکٹر فردوس عاشق اعوان آکھیے جو جیرھیاں قوماں اپنڑے مقرر ہ اہداف کوں سامنڑے رکھ تے انھاں کوں حاصل کرگھندیاں ہن،او ہ کڈاہیں نی ہاردیاں ،کامیاب قوماں بئے لوکیں سانگے مشعل راہ ہوندن ، قیادت جرات مندی اتے کمٹمنٹ دے نال اگی تے ودھے تاں اوہ جیت اپنڑے ناں کریندی ہے، باہرلی سرمایہ کاری کیتے پاکستان دی فضاءساز گار ہے ،جنوبی کوریا دے سرمایہ کاراں دا پاکستان اچ خیر مقدم کریسوں،پاکستان دی تریمتیں صلاحیت رکھیدن ،تریمتیں ہر شعبے اچ تکھے ترقی دی منزلاں طے کر یندیاں پن۔ایہ گالھیں معاون خصوصی بدھ کوں “گلوبل پیس میگزین اینڈ تھینک ٹینک ” دی لانچنگ تقریب توں خطاب کریندے ہوئیں آکھیاں۔ چیف ایگزیکٹو ٹرسٹ انوسٹمنٹ بینک مسٹر لی،میگزین دی چیف ایڈیٹر فریحہ عظیم شاہ ،میڈم ساجدہ ،سابق صوبائی وزیر اشرف سوہنا سمیت بئے ودھ سارے مہمان ایں موقع تے موجود ہن ۔ ڈاکٹر فردوس عاشق اعوان آکھیا جو گلوبل پیس میگزین نہ صرف علاقائی ،مقامی یا قومی بلکہ عالمی سطح دے اہم شعبیں اچ تھیونڑ آلی ترقی دے نال نال پاکستان دے مثبت تشخص کوں اجاگر کرنڑ سانگے اہم کردار ادا کریسی ۔انہاں آکھیا جوجیرھیاں قوماں اپنڑے مقرر ہ اہداف کوں سامنڑے رکھ تے انھاں کوں حاصل کرگھندیاں ہن،او ہ کڈاہیں نی ہاردیاں ،کامیاب قوماں بئے لوکیں سانگے مشعل راہ ہوندن ۔ معاون خصوصی آکھیا جوقیادت جرات مندی اتے کمٹمنٹ دے نال اگی تے ودھے تاں اوہ جیت اپنڑے ناں کریندی ہے۔ باہرلی سرمایہ کاری کیتے پاکستان دی فضاءساز گار ہے ،جنوبی کوریا دے سرمایہ کاراں دا پاکستان اچ خیر مقدم کریسوں۔انہاں آکھیا جو کوریا دی ڈو نسلاں ڈینھ رات وڈی محنت کیتی ،اتے ہنڑ تریجھی نسل وی محنت کر یندی پی ہے۔انہاں آکھیا جو جنوبی کوریا دی عوام جداں تئیں جاپان دے برابر اپنڑیں ٹیکنالوجی نی کر گھدی اوں ویلھے تئیں محنت جاری رکھی ۔انہاں آکھیا جو کوریا دی یوتھ وی کامیابیاں دی تاریخ رقم کیتی۔
