دنیا اچ خسرہ خطرناک حد تئیں پج گے ، عالمی ادارہ صحت

واشنگٹن۔2 ستمبر (اے پی پی) عالمی ادارہ صحت(ڈبلیو ایچ او) خبردار کیتے جو دنیا دے مختلف ملکاں اچ خسرے دے انفیکشن اچ ودھارے کوں روکنڑ کیتے فوری اقدام درکار ہن کیوں جو اے انفیکشن خطرناک سطح تے پج گے ۔اجوکے سال دنیا دے مختلف ملکاں توں ہنڑ تئیں خسرے دے تقریباً 3 لکھ 50 ہزار کیسز دی اطلاع ملی اے 2006ءدے بعد توں ہنڑ تئیں ساریں توں وڈی تعداد اے ۔ عالمی ادارہ صحت آکھیے جو گزری سال ایں وقت دے مقابلے اچ اعداد و شمار ترائے گناہ ودھ ہن ،۔اے مزید ودھنڑ دی توقع اے ۔عالمی ادارہ صحت آکھیے جو دنیا دے ہر علاقے اچ خسرے دے کیس ودھدے پن تے استثنیٰ صرف امریکی خطے اچ ہے۔ عالمی ادارے دے ڈیپارٹمنٹ آف ایمیو نائزیشن ویکسینز اتے باﺅ لاجیکلز دی ڈائریکٹر او برائن آکھیے جو ایں اعداد و شمار دے نال دنیا پچھی تے کیوں ویندی پئی اے 2020تئیں ایں خطرناک بیماری مکاونڑ کیتے درست رستے تے کائنی ویندی پئی۔