راولپنڈی، اسلام آباد سمیت کشمیر اچ (کل)خمیس کوں تکھی ہوائیں اتے کھمنڑ دے نال مینھ وسنڑ دا امکان ہے،محکمہ موسمیات

اسلام آباد ۔ 18 ستمبر (اے پی پی) راولپنڈی، اسلام آباد سمیت کشمیر اچ (کل) خمیس کوں کجھ جئیں تے تکھی ہوائیں/آندھاری اتے کھمنڑ دے نال مینھ وسنڑ دا امکان ہے۔ محکمہ موسمیات مطابق ملک دے ودھ سارے علاقیاں اچ موسم گرم اتے جھڑ آلا راہسی،تاں جو ہزارہ، راولپنڈی،گوجرانوالہ ڈویژن، اسلام آباد اتے کشمیر اچ کہیں کہیں جاءتے جڈاں جو لہور، سرگودہا، مالاکنڈ، پشاور، مردان، کوہاٹ اتے بنوں ڈویژن اچ کجھ جئیںتے تکھی ہوائیں/آندھاری اتے کھمنڑ دے نال مینھ وسنڑ دا امکان ہے۔ کاشتکاراں کوں اطلاع ڈتی گی ہے جو اگلے کجھ ڈینھا ںدوران جنوبی پنجاب اتے صوبہ سندھ اچ پھٹی دی چنائی دے ودھ سارے علاقیاں اچ موسم رکھا اتے گرم راہسی۔ گزریل24 گھنٹے دوران ملک دے اکثر علاقیاں اچ موسم گرم اتے جھڑ آلا رہیا ،تاں جو سرگودہا، گوجرانوالہ اتے فیصل آباد ڈویژن اچ کجھ جئیں تے مینھ وسیا۔ سبھ توں ودھ مینھ سرگودہا اچ 16ملی میٹر اتے جھنگ اچ ہک ملی میٹر مینھ ریکارڈ کیتا گیا۔ بدھ کوں ملک اچ سبھ توں ودھ درجہ حرارت تربت اچ 43 اتے سبی اچ41 ڈگری سینٹی گریڈ ریکارڈ کیتا گئے ۔