لاہور۔ 4 ستمبر (اے پی پی)پاکستان کرکٹ بورڈ (پی سی بی) سابق کپتان مصباح الحق اگلے ترائے سالیں سانگے قومی کرکٹ ٹیم دے نویں ہیڈ کوچ اتے چیف سلیکٹر مقررکر ڈتے۔وقار یونس بطور باﺅلنگ کوچ خدمات نبھیسن اتے انہاں کوں وی اے ذمہ واری ترائے سالیں سانگے ڈتی گئی اے۔بدھ کوں پی سی بی دے اعلامیے دے مطابق قومی ٹیم دے سابق کپتان مصباح الحق اگلے ترائے سالیں سانگے قومی کرکٹ ٹیم دے نویں ہیڈ کوچ اتے چیف سلیکٹر مقررکر ڈتا گے۔پی سی ولوں کوچز دی گول سانگے بنڑی پنج رکنی پینل جئیں اچ سابق کپتان اتے کوچ انتخاب عالم، سابق کرکٹر اتے کمنٹیٹر بازید خان، اسد علی خان ( رکن بی اوجی)، وسیم خان ( چیف ایگزیکٹوپی سی بی) اتے ذاکر خان (ڈائریکٹر انٹرنیشنل کرکٹ پی سی بی ) شامل ہن،متفقہ طور مصباح الحق دا بطور ہیڈ کوچ اتے چیف سلیکٹر اتے وقار یونس دا بطور باﺅلنگ کوچ چنڑیے،چیئرمین احسان مانی دی منظوری دے بعد باضابطہ طور تے قومی ٹیم دے نویں کوچز دا اعلان کیتا ویسی۔
