سپیکر قومی اسمبلی اپوزیشن کوں جاوید ہاشمی پروڈکشن آرڈر کیس اچ سپریم کورٹ دا 2002ءدا فیصلہ جمع کراونڑ دی ہدایت کر ڈتی

اسلام آباد ۔ 13 ستمبر (اے پی پی) سپیکر قومی اسمبلی اسد قیصر اپوزیشن کوں جاوید ہاشمی پروڈکشن آرڈر کیس تے سپریم کورٹ دا 2002ءدا فیصلہ جمع کراونڑ دی ہدایت کریندے آکھیے جو انہاں جتنے پروڈکشن آرڈر جاری کیتن ایندی ماضی اچ کوئی مثال نئیں ملدی،قانون دے مطابق فیصلہ کیتا ویسی۔اے گالھ انہاں قومی اسمبلی اجلاس اچ خواجہ محمد آصف‘ سید خورشید شاہ اتے سابق وزیر اعظم راجہ پرویز اشرف دے نکات دے ولدے اچ آکھی ۔ انہاں آکھیا جو اپوزیشن سپریم کورٹ دا فیصلہ قومی اسمبلی سیکرٹریٹ اچ جمع کراوے ایندا جائزہ گھنسوں۔