صدرمملکت ڈاکٹر عارف علوی نال آڈیٹر جنرل آف پاکستان جاوید جہانگیر دی ملاقات مالی سال 2017-18ءدی سالانہ آڈٹ رپورٹ پیش کیتی

APP09-11 ISLAMABAD: September 11 - President Dr. Arif Alvi being presented annual report for the audit year 2017-18 by Auditor General of Pakistan Javaid Jehangir at the Aiwan-e-Sadr. APP

اسلام آباد ۔ 11 ستمبر (اے پی پی) صدرمملکت ڈاکٹر عارف علوی نال آڈیٹر جنرل آف پاکستان جاوید جہانگیر بدھ کوں ایوان صدر اچ ملاقات کیتی اتے مالی سال 2017-18ءدی سالانہ آڈٹ رپورٹ پیش کیتی۔ مالی سال 2017-18ءدوران 13652.145 ارب روپے دا آڈٹ کیتا گیا اتے 127.279 ارب روپے دی ریکوری کیتی گی ہے۔ آڈیٹر جنرل آف پاکستان دے آفس دی آئینی اہمیت کوں اجاگر کریندے ہوئیں صدر مملکت آکھیا جو چنگے طریقے نال حکمرانی یقینی بناونڑ کیتے شفافیت کہیں وی حکومت دی پہلی ترجیح ہونڑ چاہیدی ہے۔ صدر مملکت ایں گالھ تے زورڈتا جوآڈٹ دے عمل اچ جدید ٹیکنالوجی کوں استعمال کرنڑ چاہیدے ،تاں جوشفافیت یقینی تھیوے اتے اینکوں ودھایا ونج جا سگے۔ آڈیٹر جنرل آف پاکستان صدر مملکت کو ں سالانہ رپورٹ بارے ڈسایا جوادارے اچ نظم و ضبط کوں یقینی بناونڑ سانگے ہر ممکن کوشش کیتی ویندی پی ہے تاں جو پاکستان کوں کرپشن دی لعنت توں پاک کیتا ونج جا سگے۔ انہاں صدر مملکت کو ں ڈسایا جوآڈٹ دے عمل کوں خود کار بناونڑ دا عمل جاری ہے۔