اسلام آباد ۔ 4 ستمبر (اے پی پی) صدر مملکت ڈاکٹر عارف علوی فرائض دی ادائیگی ویلھے شہید تھیونڑ آلے فرنٹیئر کور بلوچستان (شمال تے جنوب)دے 20 شہداءدے ٹبر کوں خطوط بھیجے۔صدرمملکت اپنڑے خطوط اچ آکھیا جو شہیداں ملک سانگے جینویں جواں مردی اتے جرات ڈکھائی اے او میں سمیت ہر پاکستانی سانگے فخر دی گالھ اے،پوری قوم شہیداں دی فرض شناسی،دلیری اتے ایثار دے جذبے کوں فخر نال ڈیکھدی اے۔صدرمملکت شہیداں دے درجات دی بلندی اتے انہاں دے ٹبر سانگے صبر دی دعا وی کیتی۔شہیداں اچ سپاہی یاسین شاہ، سپاہی محمد لقمان، نائیک عبد الحنان، حوالدار علا والدین، لانس نائیک انوار اللہ، سپاہی کنول آفتاب، نائیک موالی خان، حوالدار راشد خان، سپاہی روح الامین، سپاہی محمد نوید، سپاہی یار محمد، سپاہی مہتاب خان، سپاہی غلام رسول، سپاہی نور اسلم، نائب صوبیدار گل شہادت، نائیک لال خان، نائیک محمد نواز، نائیک محمد ساجد، سپاہی محمد انور اتے سپاہی سجاد احمد شامل ہن۔
