اقوام متحدہ ۔ 11 ستمبر (اے پی پی) پاکستان اقوام متحدہ دی سلامتی کونسل تے زور دتے جو مقبوضہ کشمیردی خصوصی حیثیت مکاونڑ دے بھارتی اقدام پاروںلائن آف کنٹرول دی نگرانی کیتے اقوام متحدہ دے فوجی مبصر گروپ برائے بھارت و پاکستان (یواین ایم اوجی آئی پی) کوں مضبوط بنڑاونڑ دا جائزہ گھدا ونجے ۔ اقوام متحدہ اچ پاکستان دی مستقل مندوب ملیحہ لودھی 15رکنی سلامتی کونسل اچ یو این پیس کیپنگ آپریشنزبارے بحث اچ حصہ گھندے ہوئے آکھیے جو 5 اگست کوں بھارت ولوںمقبوضہ جموں و کشمیر بارے غیر قانونی اقدام سانگے اقوام متحدہ دے فوجی مبصر گروپ دا کردار اتے اہمیت بئی ودھ گئی اے، بھارت سلامتی کونسل دی قرارداداں دی کھلی خلاف ورزیاں کریندا پئے،مقبوضہ وادی اچ چھیویں ہفتے وی کرفیو جاری اے، بھارت کوں پابند کیتا ونجے جو او مقبوضہ کشمیر اچ آزادانہ رسائی اتے نقل وحمل یقینی بنڑاوے۔ انہاں آکھیے جو امن برقرار رکھنڑ ہک مشترکہ ذمہ داری اے،آپریشنز کوں منظم بنڑایا ونجے، اقوام متحدہ دے سیکرٹریٹ تے زمینی صورتحال دے حقیقی تجزیہ دی ذمہ داری اے،پاکستان امن کیتے سارے فریقین نال رل تے کم کرنڑ چاہندے۔
