اسلام آباد ۔ 17 ستمبر (اے پی پی) ملک دے اکثر علاقیاں اچ کل بدھ کوں موسم رکھا جڈاں جو میدانی علاقیاں اچ گرم راہسی،محکمہ موسمیات ولوں کاشتکاراں کوں اطلاع ڈتی گی ہے جوآندے کجھ ڈینھاں اچ جنوبی پنجاب اتے صوبہ سندھ اچ کپاہ دی چنائی دے ودھ سارے علاقیاں اچ موسم رکھا اتے گرم راہسی۔ محکمہ موسمیات مطابق گزریل 24 گھنٹے اچ ملک دے ودھ سارے علاقیاں اچ موسم گرم اتے جھڑ آلا رہیا ،تاں جوراولپنڈی، سرگودہا ڈویژن اتے کشمیر اچ کجھ جئیں تے مینھ وسیا ۔ سبھ توں ودھ مینھ منگلااچ 11، جہلم 10، سرگودہا 09، اسلام آباد02، راولپنڈی01 اتے راولاکوٹ اچ 6 ملی میٹر مینھ ریکارڈکیتا گئے ۔ منگل کوں سبھ توں ودھ درجہ حرارت سبی اچ 43، تربت، دادو 42 اتے ڈی آئی خان اچ 41 ڈگری سینٹی گریڈ ریکارڈ کیتا گئے ۔
