منشیات دے استعمال نال نہ صرف عادی بندے بلکہ خاندان اتے معاشرے تے وی ایندے سنگین اثرات پوندن، لوکیں کوں نشے توں بچاونڑ دا چنگا طریقہ ایندی سمگلنگ روکنڑ ہے، حکومت منشیات روکنڑ سانگے انقلابی اقدام کر یندی پی ہے صدر مملکت ڈاکٹر عارف علوی دا مصنوعی ذہانت دے مقامی طور تے تیار کیتے گئے منصوبے ”امان“ دی افتتاحی تقریب توں خطاب

اسلام آباد ۔ 17 ستمبر (اے پی پی) صدر مملکت ڈاکٹر عارف علوی منگل کوں مصنوعی ذہانت دے مقامی طور تے تیار کیتے گئے منصوبے ”امان“ دی افتتاحی تقریب اچ شرکت کیتی۔ ایں موقع تے تقریب توں خطاب کریندے ہوئیں انہاں آکھیا جو منشیات دے استعمال نال نہ صرف ایندے بندے تے بلکہ خاندان اتے معاشرے تے وی ایندے سنگین اثرات پوندن، لوکیں کوں نشے توں بچاونڑ دا چنگا طریقہ ایندی سمگلنگ روکنڑ ہے، حکومت منشیات روکنڑ سانگے انقلابی اقدام کر یندی پی ہے۔ صدر مملکت آکھیا جو دنیا اچ منشیات دی مہلک ترین اقسام بنڑدیاں پن اتے ایںلعنت پاروں ہلاکتاں اچ تکھے ودھارا تھیندا پئے، لہذا اینکوں روکنڑ سانگے چنگیاں کوششاں کرنڑ دی ضرورت ہے۔ تقریب توں وزیر مملکت سیفران تے انسداد منشیات شہریار آفریدی وی خطاب کیتا اتے ”امان“ منصوبے بارے ڈسایا۔