اسلام آباد ۔ 20 ستمبر (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو مولانا صاحب! موجودہ حکومت اتے پارلیمان ایں واسطے ناجائز اتے حرام اے کیوں جو ایندے اچ تہاڈی جاہ کائنی،اج تہاڈی جمہوریت پسندی کتھاں گئی اے؟تساں کیہرے نک نال اج پارلیمان ڈھواونڑ دی گالھ کریندے او؟کیتھن تہاڈے اصول؟ مولانا صاحب! بنھاں کوں صلاحیں ڈیونڑ دی بجائے اپنڑے پتر کوںا ٓکھو جو او استعفیٰ ڈے ڈکھاون۔ہک ٹویٹ اچ انہاں آکھیے جو اپنڑے پتر کیتے پارلیمان وی حلال؟ ایندی تنخواہ وی حلال؟ مراعات وی حلال؟ ایندی نشست وی حلال اے؟ مولانا کوں کشمیر توں ودھ کشمیری کمیٹی پیاری اے،صرف منسٹر کالونی دے گھرکیتے اسلام آباد دا لاک ڈاون نہ کرن۔
