اسلام آباد ۔ 5 ستمبر (اے پی پی) وزیر اعظم عمران خان آکھیے جو میڈیکل ٹیچنگ انسٹیٹیوشنز ( ایم ٹی آئی) آرڈیننس دا مقصد سرکاری ہسپتالاں اچ بہترین سہولتاں دی فراہمی کوں یقینی بنڑائے ۔ خمیس کوں اپنڑے ٹویٹ اچ وزیرا عظم عمران خان آکھیے جو میڈیکل ٹیچنگ انسٹیٹیوشنز (ایم ٹی آئی) آرڈیننس نال سرکاری ہسپتالاں دی حیثیت تبدیل کائناں تھیسی بلکہ ایندے توں بہتر تے جدید ترین انتظام کار کوں یقینی بنڑایا ویسی انہاں آکھیے جو آرڈیننس دا مطلب نجکاری کائنی بلکہ اے سرکاری شعبے دے ہسپتالاں دی بہتری کیتے حکومت دی اصلاحات دا ہک حصہ ہے۔ ایم ٹی آئی دے مطابق سرکاری ہسپتال مکمل طور تے با اختیار بورڈ آف گورنرز دے تحت چلائے ویسن جیں دے سارے ارکان نجی شعبے نال تعلق رکھیندے ہوسن ۔ وزیراعظم آکھیے جو ہسپتال سرکاری ہسپتال ہی رہسن لیکن ایم ٹی آئی دے تحت بہترین انتظامیہ دے ذریعے مریضاں کوں علاج معالجہ دیاں بہترین سہولتاں دی فراہمی کوں یقینی بنڑایا ویسی ۔
