اسلام آباد ۔ 11 ستمبر (اے پی پی) قومی احتساب بیورو نیب دے چیئرمین جسٹس جاوید اقبال آکھیے جونیب وڈے پیمانے تے عوام توں لوٹ مار،اختیارات دے ناجائز استعمال، منی لانڈرنگ ، سرکاری فنڈز اچ کرپشن،ہاﺅسنگ سوسائٹیاں/کوآپریٹوسوسائٹیاں اچ میگا کرپشن دے وائٹ کالر کرائمز کوں ترجیحی بنیادیں تے نبیڑن ہے۔ایہ گالھ انہاں نیب ہیڈکوارٹرز اچ نیب دی مجموعی کارکردگی توں متعلق جائزہ اجلاس نال خطاب کریندے ہوئیں آکھی۔ انہاں آکھیا جو نیب دی موجودہ انتظامیہ تفصیلی غور کرنڑ دے بعدمقدمیاں کوں تکھے نبیڑن سانگے موثر آپریشنل ٹیکنالوجی بنڑائی ہے ،جیرھی جو شکایتاں دی گول پھرول، انکوائری ،انویسٹی گیشن اتے متعلقہ احتساب عدالتاں اچ مقدمے دائر کرنڑ تے مشتمل ہے ،جیندے کیتے 10مہینے دا دا عرصہ رکھیا گئے۔انہاں آکھیا جو نیب سینئر سپروائزری افسراں دی اجتماعی دانش توں فائدے گھنڑ سانگے سانجھی تحقیقاتی ٹےم دا نظام بنرائے،جیرھی جو ڈائریکٹر ،ایڈیشنل ڈائریکٹرانوےسٹی گیشن افسراں اتے سینئر لیگل قونصل تے مشتمل ہوندی ہے ،جیندی مدد نال نہ صرف نیب دی کارکردگی چنگی تھی ہے بلکہ کوئی وی بندہ نیب دی تحققیقات تے اثر انداز نی تھی سگدا ۔
