اسلام آباد ۔ 19 ستمبر (اے پی پی) وفاقی وزیر مواصلات مراد سعید آکھیے جو چنگاں ہونداجیکر اپوزیشن سید خورشید شاہ دے پکڑیجنڑ تے کالیاں پٹیاں بدھنڑ کشمیریاں تے مظالم دے خلاف وی کالیاں پٹیاں بدھدی ،ہک بئے تے اگیں الزام لاونڑ آلے اج کرپشن لکاونڑ کیتے کٹھے تھی گین،قومی اسمبلی اجلاس اچ الویندے ہوئے وفاقی وزیر مواصلات مراد سعیدآکھیے جو نیب ہک اازاد ادارہ اے جیہڑآمدن توں ودھ اثاثیاں دا پچھ سگدے،اساں سمجھیے اے کشمیریاں نال اظہار یکجہتی کیتے پٹیان بدھی ودن بھل ول پتا لگے جو اے تاں اپنڑا رونڑا روندے ودن اتے پیٹی بھراواں دے پکڑیجنڑ تے کالیاں پٹیاں بدھی آئن۔انہاں آکھیے جو چیئرمین نیب انہاں آپ چنڑیا ہا اتے ہنڑ آپ ہی پکڑیندے پین۔ مراد سعید آکھیے جو ساکوں کشمیری دی گالھ کرنڑی چاہیدی ہئی بھل اے تاں سندھو دیس اتے سرائیکی دیس دی گالھ کریندن،حکومت جیویں کشمیر دامقدمہ لڑدی پئی اے،ایندے تے اپوزیشن کوں وی تعریف کرنڑی چاہیدی ہئی کیوں جو اج کشمیر ساڈو ڈیہداپئے، ساکوں اپنرا رونڑا نئیں رونڑاچاہیدا۔ انہاںا ٓکھیے جو ن لیگ آلے ہی خورشید شاہ کوں میٹر ریڈری دا طعنہ ڈیندے ہن،حالانکہ میٹر ریڈروی بندہ ہوندے،جڈان ہک بئے تے الزام لیندے ہن تاں سچ بولیندے ہن،ہنڑ نیب جانڑے تے اے جانڑن،پروڈکشن آرڈرز دا فیصلہ ہ سپیکر قانون دے تحت کرنڑے۔
