وزیراعظم عمران خان اقوام متحدہ دے صدر دفتر پج گئن،او تھاں نفرت کھنڈاونڑ آلی تقریراں روکنڑ دے موضوع تے تھیونڑ آلی اعلیٰ سطحی گول میز مباحثے اچ شریک تھیسن

نیویارک ۔ 25 ستمبر (اے پی پی)وزیراعظم عمران خان اقوام متحدہ دے صدر دفتر پج گئن،او تھاں نفرت کھنڈاونڑ آلی تقریراں روکنڑ دے موضوع تے تھیونڑ آلی اعلیٰ سطحی گول میز مباحثے اچ شریک تھیسن ۔پاکستان اتے ترکی ایں گول میز مباحثے دی سانجھی میزبانی کریندے پن۔ترکی دے صدر طیب اردوان وی ایں موقع تے موجود ہن۔وزیراعظم عمران خان نفرت آویزتقریراں اتے اسلاموفوبیا دے خلاف موثر اقدامات تے زور ڈتے۔وزیراعظم عمران خان آکھیا جو امتیازی سلوک،مذہب،عقیدے دی بنیاد تے تشدد دے واقعے ودھدے پن۔وزیراعظم آکھیا جو انہاں ڈوہیں مسئلیاں نال نبڑنڑ سانگے انہاں دی وجوہات دا حل کڈھنڑاں پمسی۔انہاں آکھیا جو مذہب دا دہشت گردی نال کوئی تعلق کائنی۔