اسلام آباد ۔ 17 ستمبر (اے پی پی)وزیراعظم عمران خان سعودی عرب دے ولی عہد محمد بن سلمان کو ں ٹیلی فون کر تے سعودی تیل تنصیبات اتے آئل فیلڈ تے ڈرون حملے دی مذمت کیتی ہے۔ وزیراعظم منگل کوں سعودی ولی عہد نال ٹیلی فون تے گالھ مہاڑ کریندے ہوئیں ایجھے حملیاں دے ذریعے خطے اچ موجود پرامن ماحول کوں خراب کرنڑ دی کوششاں تے تشویش دا اظہار کیتے۔ وزیراعظم سعودی عرب دے عوام نال یکجہتی دا اظہار کریندے ہوئیں سعودی عرب دی خودمختاری اتے علاقائی سالمیت سانگے پاکستان دی حمایت دا اعادہ کیتا۔
