اسلام آباد۔ 10 ستمبر (اے پی پی)وزیراعظم عمران خان آکھیا جو اج حرمت آلے مہینے محرم الحرام دی ڈاہ تاریخ اتے یوم عاشور اے،ایں ڈینھ پوری دنیا دے مسلمان جگر گوشہ بتولؓ،نواسہ رسول،امامِ عالی مقام حضرت امام حسین رضی اللہ تعالیٰ عنہ دی شہادت عظمیٰ دی بے مثال تے لازوال قربانیاں دی یاد تازہ کریندن۔سنوار کوں یوم عاشور 10محرم الحرام 1441ھ دے موقع تے اپنڑے سنھیے اچ انہاں آکھیا جو اج دا ڈینھ اساں سانگے مختلف اعتباد نال بہوں اہمیت رکھیندے،تاریخ اسلام اچ ایں ڈینھ کوں ہک انج رفعت اتے بلندی اتے خاص اہمیت تے انفرادیت امام عالی مقام حضرت امام حسینؓ دی شہادت تے واقعہ کربلا دی بدولت ملی اے۔وزیراعظم آکھیا جو جذبہ شبیریؓ مسلمانان دے ایمان تے یقین،سچائی اتے اصول پرستی دی روایت کوں جلا بخشدے اتے اے اسلام دے ابدی سنھےے اتے جذبہ قربانی دی لازوال اتے روح پرور روایت دی آبیاری دا سرچشمہ اے جئیں دی مثال انسانی تاریخ اچ مشکل نال ای ملدی اے۔
