اسلام آباد ۔ 12 ستمبر (اے پی پی) وزیراعظم دے معاون خصوصی برائے صحت ڈاکٹر ظفر مرزاآکھیے جو وزیراعظم عمران خان دی قیادت اچ صحت دے شعبے اچ انقلابی تبدیلیاں آندیان پین، وزارت قومی صحت یونیورسل ہیلتھ کوریج یقینی بنڑاونڑ کیتے پرعزم اے، مریضوں کوں کینسر (سرطان)دامہانگا علاج مفت ڈیونڑ حکومت دی ترجیح اے، گلگت بلتستان اتے آزاد کشمیردے مریضاں کوں مفت دوایاں ڈتیاں ویسن۔ہک بیان اچ انہاں آکھیے جو اسلام آباد، گلگت بلتستان اتے آزاد کشمیر وچال مفاہمتی یادداشت دا مقصد کینسر دے مریضاں دا مفت علاج اتے دوایاں دیونڑاے جیندے تحت منصوبے دی لاگت دا 10فیصد وزارت قومی صحت ڈیسی۔منصوبے دے تحت خون دے سرطان ، معدہ ، گردہ، چھاتی اتے لبلبہ دے سرطان آلے مریضاں کوں شناختی کارڈدے مطابق مفت علاج کیتا ویسی ایندے کیتے علاج مراکز پاکستان انسٹی ٹیوٹ آف میڈیکل سائنسز (پمزاسلام آباد) اتے عباس انسٹی ٹیوٹ آف میڈیکل سائنسز مظفر آباد اے جے کے اچ بنڑائے ویسن۔
