اسلام آباد ۔ 5 ستمبر (اے پی پی) وزیراعظم عمران خان نال اومان دے پارلیمانی وفد چیئرمین مجلس شوریٰ شیخ خالد بن ہلال المعوالی دی قیادت اچ خمیس کوں وزیراعظم آفس اچ ملاقات کیتی ۔ سپیکر قومی اسمبلی اسد قیصر وی ایں موقع تے موجود ہن۔ وزیراعظم وفد کوں مقبوضہ کشمیر اچ کشمیریاں دی حالت زار اتے بھارتی فوج ولوں نہتے کشمیری مسلماناں دے خلاف کیتے ونجنڑ آلے ظلم بارے ڈسایا ۔ڈوہیں پاسوں مختلف شعبیں اچ سانجھے تعاون کوں تقویت ڈیونڑ تے ڈو پاسے تجارت اچ مزید ودھارے دی ضرورت دا وی اعادہ کیتا ۔ اومان دے وفد اچ محمد علی امیر باقی، محمد خمیس عبداللہ البادی، محمد رمضان قاسم البلوشی، یونس یعقوب عیسی السیابی، سلیم عمار سعید المفارجی اتے سفیر الشیخ الاعمر مرحون شامل ہن۔
