اسلام آباد ۔ 14 ستمبر (اے پی پی)وزیرِ اعظم عمران خان آکھیے جو چھوٹی اتے درمیانے درجے دیاں صنعتاں داودھارا، معیشت دا استحکام اتے کاروباری طبقے کوں ہر سہولت ڈیونڑ ترجیح اے،تعمیرات دے شعبے کوں صنعت دا درجہ ڈیونڑ اتے وڈے شہراں اچ تعمیرات تے فکس ٹیکس دے نفاذ دی تجویز کوں چھیکڑی شکل ڈتی ویندی پئی اے۔اے گالھ وزیراعظم عمران خان اسلام آباد اچ حکومتی معاشی ٹیم دے اجلاس دی صدارت کریندے آکھی۔حکومتی معاشی ٹیم وزیرِ اعظم کوں معیشت دی چنگائی کیتے اقدامات اتے ایندے اثرات تے بریفنگ ڈتی۔اجلاس کوں درآمدات برآمدات ، تجارتی خسارے سودھے اچ کمی،ٹیکس نیٹ اتے وصولیاں اچ ودھارے،کاروباری سرگرمیاں بارے ڈسایا۔سیکرٹری خزانہ مختلف وزارتاں بشمول کامرس، صنعت و حرفت، نیشنل فوڈ سیکیورٹی، وزارتِ پٹرولیم، ایف بی آر، سرمایہ کاری بورڈ، ایوی ایشن ڈویژن ولوں اہداف تے بریفنگ ڈتی۔وزیراعظم ہدایت کیتی جو وزارتاں دی کارکردگی ودھاونڑ ، معاشی و کاروباری سرگرمیاں دی چنگائی،سروس ڈیلیوری کیتے اقدامات یقینی بنڑائے ونجن۔
