وفاقی وزیر مذہبی امور پیر نورالحق قادری دی غسل کعبہ دی تقریب اچ شرکت

مکة المکرمہ ۔ 16 ستمبر (اے پی پی) وفاقی وزیر مذہبی امور پیر نورالحق قادری دی غسل کعبہ دی تقریب اچ شرکت کیتی۔ایں موقع تے انہاں خانہ کعبہ دے اندر ونج کراہیں نوافل پڑھیے اتے پاکستان دی سلامتی اتے خوشحالی اتے مقبوضہ کشمیر دی عوام سانگے خصوصی دعا کیتی۔ وزارت مذہبی امور دے ترجمان دے مطابق پاکستان ولوں وزیر مذہبی امور پیر نور الحق قادری غسل کعبہ دی تقریب اچ شرکت کیتی۔ غسل کعبہ دی رسم گورنر مکہ شہزادہ خالد الفیصل ادا کیتی۔تقریب اچ نائب گورنر شہزادہ بدر بن سلطان ، مسجد الحرام اتے مسجد نبوی دے سربراہان شیخ ڈاکٹر عبدالرحمن السدیس، سعودی عرب اچ متعین اسلامی ممالک دے سفارتکاراں، ممتاز علمائ، وزرائ، کلید برادران کعبہ اتے مقامی شہریاں شرکت کیتی۔