پاکستان تحریک انصاف (ن) لیگ اتے پیپلز پارٹی دے خلاف کوئی کیس نی بنڑایا، کیس انہاں خود ہک بئے دے خلاف بنڑائے ہن، نیب حکومت دے ماتحت کائنی، اساں انہاں دے معاملات اچ ٹنگ نی اڑا سگدے، نیب قوانین اچ قنونی نقص ہن ، اینکوں لگام پاونڑدی وی ضرورت ہے، وفاقی وزیر پارلیمانی امور اعظم سواتی

اسلام آباد ۔ 2 ستمبر (اے پی پی) وفاقی وزیر پارلیمانی امور اعظم سواتی آکھیے جوپاکستان تحریک انصاف (ن) لیگ اتے پیپلز پارٹی دے خلاف کوئی کیس نی بنڑایا، کیس انہاں خود ہک بئے دے خلاف بنڑائے ہن۔انہاں آکھیا جو نیب حکومت دے ماتحت کائنی،اتے اساں انہاں دے معاملات اچ ٹنگ نی اڑا سگدے، نیب قوانین اچ قنونی نقص ہن ، اینکوں لگام پاونڑدی وی ضرورت ہے۔ انہاں آکھیا جو کیا اپوزیشن چاہندی ہے جو نیب، عدالتاں، جیلاں اتے بئے ادارے ختم کر ڈتے ونجنڑ اتے ایں ملک دے امیراں غریباں سانگے انج انج قنون ہوئے۔ ایہ گالھیں وفاقی وزیر پارلیمانی امور اعظم سواتی سنوار کوں اتھاں سینیٹ اچ اپوزیشن ارکان دے نکتہ اعتراض دے جواب اچ آکھیاں۔ اعظم سواتی آکھیا جو حکومت عوام دے جان تے مال دے تحفظ دی ذمہ دار ہے، آصف علی زرداری کوں علاج دی سہولتاں ڈیونڑ بارے وزیر داخلہ ٹھیک ڈسا سگدن ۔ انہاں آکھیا جو(ن) لیگ اتے پیپلز پارٹی ہک بئے دے خلاف کیسز خود بنڑائے ہن اتے پارلیمنٹ قنون بنڑا تے نیب کوں خودمختار کیتا۔ انہاں آکھیا جو غریب اتے امیر سانگے ملک اچ اانج انج قنون نی تھی سگدا ۔ کیا اپوزیشن چاہندی ہے جواساں جیلاں ختم کر ڈیووں، پولیس اتے کوئی ادارہ کیس نہ گھنے۔ انہاں آکھیا جو کشمیر دے مسئلے تے اپوزیشن حکومت دا چنگی سپورٹ کیتی ہے اتے ایہ اساڈا ملی مسئلہ ہے اتے پاکستانی ایں جذبے دے نال کشمیریاں دے نال کھڑے راہسن۔