اسلام آباد ۔ 4 ستمبر (اے پی پی) قومی اسمبلی دی کشمیر کمیٹی دے چیئرمین سید فخر امام آکھیے جو پاکستان مقبوضہ کشمیر اچ کرفیو دے خاتمے تے کشمیریاں دے حق خود ارادیت کیتے بھارت تے دباﺅ ودھاونڑ کیتے سارے سفارتی ذرائع استعمال کریندے۔ ریڈیو پاکستان نال مہاڑ کریندے ہوئیں انہاں آکھیے مقبوضہ کشمیر اچ کرفیو مکاونڑ کیتے مختلف ملکاں دی حکومتاں بھارت توں مطالبہ کیتے ۔ انہاں آکھیے جو مقبوضہ وادی اچ مکمل کرفیو دا نفاذ بھارتی حکام دی انتہا پسندی اتے تشدد دا اعکاس اے۔ جیں نال مقبوضہ وادی اچ محصور کشمیریاں کوں خوراک، دوائیں تے بیاں زندگی دی ضروریات دا سامنڑاں اے ۔انہاں آکھیے جو کشمیری قیادت کوں گرفتار کرتے نامعلوم جاہ تے منتقل کرڈتا گے ۔انہاں آکھیے مقبوضہ کشمیر اچ بھارتی ظلم دے عالمی برادری خلاف آواز چاونڑ شروع کرڈتی اے ۔ چیئرمین کشمیر کمیٹی آکھیے جو امریکا دے صدارتی امیدوار برنی سینڈرز وی مقبوضہ کشمیر دی صورتحال تے سخت تشویش دا اظہار کیتے ۔ سید فخر امام آکھیا جو عالمی میڈیا وی بھارت دا اصل چہرہ نے نقاب کریندا پئے۔
