اسلام آباد ۔ 11 ستمبر (اے پی پی) انسدا پولیو سانگے وزیراعظم دے معاون خصوصی بابر بن عطا آکھیے جو 24/7 پولیو واٹس ایپ ہیلپ لائن کوں عوام اچ اڈا پسندا کیتا ویندا پئے، ہنڑ تئیں چار ہزارتوں ودھ پیغامات ملے ہن، 39 فیصد پیغامات پولیو مہمات بارے معلومات سانگے ہن۔ بدھ کوں اپنڑے ہک بیان اچ انہاں آکھیا جوپولیو واٹس ایپ ہیلپ لائن کوں عوام اچ زبردست پذیرائی ملی ہے ،جیندے تے ہنڑ تئیں چار ہزار توں ودھ پیغامات ملے ہن۔ انہاں آکھیا جو 39 فیصد پیغامات پولیو مہمات بارے معلومات سانگے ہن، 31 فیصد پولیو ویکسین اتے 8فیصد شکایتاں کیتے ہن، 9 فیصد پیغامات اچ پولیو پروگرام دی کوششاں دی تعریف کیتی گی۔ انہاں آکھیا جو 24/7 پولیو ہیلپ لائن تے 03467776546 تے رابطہ کیتا ونج جا سگدے اتے کہیں وی شکایت، خطرے اتے تجویز سانگے براہ راست رابطہ کیتا ونج جا سگدے۔
