چونیاں اچ معصوم بالاں دے قتل دے اندوہناک واقعہ تے دلوں ڈکھ تے افسوس تھئے ، متاثرہ خانداناں کوں ہرقیمت اچ انصاف ڈتا ویسی، کیس کوں وختی انجام تئیں پجایا ویسی،وزیراعلیٰ پنجاب سردار عثمان بزدار

لاہور۔18 ستمبر(اے پی پی ) وزیراعلیٰ پنجاب سردار عثمان بزدار آکھیے جو چونیاں اچ معصوم بالاں دے قتل دے اندوہناک واقعہ تے دلوں ڈکھ تے افسوس تھئے ، متاثرہ خانداناں کوں ہرقیمت اچ انصاف ڈتا ویسی، کیس کوں وختی منطقی انجام تئیں پجایا ویسی۔ وزیراعلیٰ آکھیا جو ملزماں دی وختی گرفتاری سانگے انسپکٹر جنرل پولیس کو ں ہدایات جاری کرڈتیاں گن اتے ایں کیس کوں وختی انجام تئیں پجایا ویسی اتے انصاف دے سارے تقاضے پورے کیتے ویسن۔ انہاں آکھیا جوانصاف تھیندا لوکیں کوں نظرسی۔ انہاں آکھیا جو متاثرہ خانداناں کوں وختی انصاف ڈیونڑ انہاں دا فرض اتے ذمہ داری ہے ۔ جیرھے درندا صفت ملزماں ا یہ ظلم کیتے اوہ قنون مطابق قرار واقعی سزا توں کائنا پجسن بچسن۔ انہاں آکھیا جوایجھا گھناونا جرم کرنڑآلے انسان نی درندے اتے دھرتی دا بوجھ ہن۔ معصوم بالاں دے قتل تے ہر اکھ اچ ہنجوں ہن۔ حکومت غمزدہ خانداناں دے نال ہے اتے کھڑی راہسی۔