ڈینگی دے خلاف موثر اقدامات تھیندے پین، ایں واری ڈینگی پہلے توں گھٹ اے،معاون خصوصی برائے صحت ڈاکٹر ظفر مرزادی فیڈرل جنرل ہسپتال اچ میڈیانال گالھ مہاڑ

اسلام آباد ۔ 13 ستمبر (اے پی پی) معاون خصوصی برائے صحت ڈاکٹر ظفر مرزا آکھیے جو ڈینگی دے خلاف موثر اقدامات تھیندے پین، ایں واری ڈینگی پہلے توں گھٹ اے۔ اے گالھ انہاں فیڈرل جنرل ہسپتال اچ میڈیا نال الویندےآکھی۔ انہاں آکھیا جو فیڈرل جنرل ہسپتال اچ ڈینگی دے علاج دے انتظامات چنگے ہین،حکومت اتے محکمہ صحت ڈینگی نال نمٹنڑ کیتے تیار اے،ایں سانگے انتظامیہ وی متحرک اے، ساکوں ہر ویلھے دا پتا اے جو کتنے مریض ڈینگی پاروں ہسپتال آندن اتے علاج توں بعد ویندے پین،شکر اے جو ایں واری اگیں توں ڈینگی دے مریضاں دی تعداد بہوں گھٹ اے۔