اسلام آباد ۔ 4 ستمبر (اے پی پی) فریضہ حج دی ادائیگی دے بعد سرکاری اتے پرائیویٹ سکیماں دے مجموعی طورتے ہک لکھ 34ہزار توں ودھ حاجی وطن واپس پج گن ۔ وزارت مذہبی امور دے ترجمان دے مطابق حج دے بعد فلائٹ آپریشن 15 ستمبر تئیں مکمل کر گھدا ویسی ۔ سرکاری سکیم دے 72 ہزار جڈاں جو پرائیویٹ سکیم دے 62 ہزار حجاج پی آئی اے، سعودی ایئرلائن تے ایئر بلیو دیاں پروازاں دے ذریعے وطن واپس پج گن ۔ ترجمان دے مطابق 59 ہزار توں ودھ حاجیاں کوں مدینہ منورہ پجا ڈتا گے جتھاں او8 ڈینھ دے قیام دے بعد وطن واپس روانہ تھیسن ۔ سرکاری سکیم دے 8 ہزار حاجی مکہ مکرمہ جڈاں جو 41 ہزار مدینہ منورہ اچ موجود ہن۔
