اسلام آباد ۔ 2 ستمبر (اے پی پی) وزیر خارجہ مخدوم شاہ محمود قریشی سنوار کوں ایئر ہیڈ کوارٹرز اسلام آباد دا دورہ کیتا۔ پاک فضائیہ دے سربراہ ایئر چیف مارشل مجاہد انور خان انہاں دا خیر مقدم کیتا۔ دفتر خارجہ ولوں جاری پریس ریلیز مطابق وزیر اعظم عمران خان دے کٹھے دورے دوران وزیرخارجہ کوں پاک فضائیہ دی پیشہ ورانہ تیاریاں بارے تفصیلی بریفننگ ڈتی گی۔ وزیر خارجہ پاک فضائیہ دی پیشہ ورانہ قابلیت دی تعریف کریندے ہوئیں آکھیا جو 27 فروری کو ں پاک فضائیہ دے جواناں بھارتی دراندازی دا منہ تروڑ جواب ڈتا، ڈو لڑاکا بھارتی جہازاں کوں اپنڑیں حدود دی خلاف ورزی کریندے ہوئیں ڈھایا ،پوری قوم انہاں دی جرات اتے بہادری کوں سلام پیش کریندی ہے۔ پاک فضائیہ دے سربراہ ایئرچیف مارشل مجاہد انور خان وزیر خارجہ کو ں یادگاری سوینئر وی ڈتی ۔ایں سوینئر دی خاصیت ہے جوا یہ 27 فروری کوں بھارتی ونگ کمانڈر ابھی نندن دے مار ڈھائے جہازدی غیر استعمال شدہ لٹ تے مشتمل ہے۔
